Staðsetning: Grímsá í Borgarfirði er landsþekkt laxveiðiá og rennur um Lundarreykjardal í Borgarfirði. Í ána gengur nokkur fjöldi sjóbirtinga og síðustu ár hefur verið ákveðið að nýta þau tækifæri sem bjóðast til haust- og vorveiða. Hér er um skemmtilegan kost að ræða í hæfilegri fjarlægð (70km) frá höfuðborginni.
Veiðisvæðið: Frá og með Hörgshyl (við brúna á þjóðvegi 50) niður að og með Árbakkaklöpp.
Athugið að veiði er ekki leyfð á griðarstað laxa á eftirfarandi veiðistöðum: Móbergshyl, Svartastokki, Húsbreiðu, Stórlaxaflöt og Lambaklettsfljóti.
Stangafjöldi: Veitt er á tvær stangir sem seldar eru stakar, einn dag í senn.
Veiðitímabil: Apríl, maí og frá 25. september fram í október.
Veiðitími: Veitt er frá kl. 8:00 til 20:00.
Leyfilegt agn: Fluga.
Veiðihús: Ekkert veiðihús fylgir svæðinu en veiðimenn geta notfært sér aðstöðu í kjallara veiðihótelsins. Unnt er að semja um gistingu á góðu verði í veiðihúsi við Tunguá, innar í Lundarreykjardal.
Reglur: Öllum laxi skal sleppt en heimilt er að taka sjóbirting. Mælst er til að öllum fiski í vorveiði sé sleppt.
Veiðikort: Kort af Grímsá má nálgast á slóðinni http://hreggnasi.is/
Veiðibók: Liggur frammi í kjallara veiðihótelsins, mikilvægt er að skrá allan afla.
Veiðiumsjón: Jón Þór Júlíusson, gsm. 898 2230, net: jon@hreggnasi.is.
Grímsá í Lundareykjadal er vel þekkt og telst til bestu laxveiðiáa landsins. Grímsá rennur úr Reyðarvatni, inn af Lundarreykjadal. Í það falla smáár og lækir, að nokkru leiti uppsprettuvatn, sem gefa Grímsá nokkurn lindarársvip.Tunguá ( hliðará Grímsár ) rennur í Grímsá við Veiðistað 600. Oddstaðfljót.
Samanlagt vatnasvið ánna er 313 ferkílómetrar. Heildarlengd Grímsár er 42 km. en laxgeng er hún 32 km.
Heildarlengd Tunguár er 20 km. þar af laxgengi hlutinn 10 km. Meðalveiði í báðum ánum árin 1974 til 2008 er 1357 laxar. Mest árið 2008, þá 2223, en minnst árið 1982, þá 717 laxar.
Laxveiði hefur lengi verið stunduð í Grímsá, og í Egils sögu er sagt frá mannskæðum bardaga á Laxafit, sem Björn Blöndal telur hafa verið austurbakka Langadráttar. Í elstu máldögum Reykholtskirkju, (1236) er frá því greint að hún eigi 5 hluta veiði í Grímsá, og gangi 3 frá. Einnig að kirkjan eigi hlaupagarða í Grímsá og ástemmu í Reyðarvatnsósi. Langt er nú síðan ástemman og hlaupagarðarnir hafa verið nýttir en enn í dag á Reykholtskirkja 5/8 hluta allrar veiði í Laxfossi.
Fyrst er vitað um stangaveiði í Grímsá árið 1862, og voru þar enskir menn á ferð. Eftir það nýttu Englendingar neðri hluta árinnar að mestu leiti allt fram á fyrri heimstyrjöld og einnig að nokkru leiti á millistríðsárunum. Frá seinna stríði og fram yfir 1970 nýttu landeigendur sjálfir veiðina eða leigðu hana ýmsum innlendum aðilum. 1971 er síðan stofnað veiðifélag um báðar árnar og vatnasvæðið síðan leigt