Tunga - Bár.

Vatnasvæðið er um 11 km langt eða frá gömlu brúnni við Bár í nágrenni Selfoss að brúnni við veiðihúsið í Tungu skammt austan Stokkseyrar. Gott veiðikort er af svæðinu með vegamerkingum og bæjarnöfnum svo vel má átta sig á aðkomu að svæðinu og einstaka veiðistöðum. Á bakhlið veiðikortsins er að finna greinargóða lýsingu á öllum helstu veiðistöðum á svæðinu.Fluguveiði er vaxandi á þessu svæði sem annarsstaðar í læknum á kostnað maðksins sem þó gefur oft góðan afla. Sjóbirtingur er aðall svæðisins en hann er kominn á svæðið fljótlega eftir að hans verður vart í ósnum. Þá fást venjulega nokkrir laxar á hverju sumri. Svæðið gefur meiri afla en skýrslur sýna því ekki er veiðibók á svæðinu en ekki næst í nema hluta veiðimanna til að fá upplýsingar um veiði.

Staðsetning: Skammt austan við Selfoss

Veiðisvæði: Eitt svæði

Stangafjöldi: 2

Tímabil: 1/6 - 20/10

Leyfilegt agn:  Fluga, maðkur og spónn

Góðar flugur: Bleik og blá, Heimasætan, Black Ghost, Peacock, Black Gnat og Krókurinn.

Veiðihús: Ekkert veiðihús fylgir svæðinu.

Reglur: Tvær stangir eru leyfðar á svæðinu og eru þær seldar saman. Daglegur veiðitími er frá 08.00 - 20.00.  Frá 1. maí til 20, sept hefur hluti svæðisins fylgt Baugstaðaós.

Veitt er frá 08.00 -20.00 samfleytt.  Þetta veiðileyfi gildir fyrir 2 stangir.  

Veiðikort:

Veiðibók: Er í póstkassa við Brúnna ....., mikilvægt að skrá allan afla.

Veiðileyfi: Félagar í SVFS fá úthlutað, eftir það eru öll leyfi seld á leyfi.is

Umsjónarmenn / veiðiverðir: 

Steingrímur Ólafsson 897-3447

Óskar Ingi Böðvarsson 692-9177