Lausir dagar

Veiðistaðurinn.

Bíldsfellssvæðið er á vestari bakka Sogsins og nær frá Ljósafossvirkjun niður undir Torfastaði. Þar má veiða á þrjár stengur. Gott veiðihús er á staðnum. Þetta er þekkt stórlaxasvæði, eins og reyndar Sogið allt. Gæta þarf vel að vatnshæðarbreytingum í ánni og sýna fyllstu gætni við veiðarnar. Bíldsfellssvæðið hefur fyrir löngu sannað sig sem frábært bleikjuveiðisvæði. Gjarna hefur veiðst mjög vel í vorveiðinni á svæðinu. Margir veiðimenn heimsækja svæðið eingöngu til að gera út á bleikjuna.

Staðsetning: Ef ekið er frá Reykjavík er beygt til vinstri upp Biskubstungnabraut, áður en komið er að brúnni yfir Sogið hjá Þrastarlundi er beygt til vinstri upp Grafningsveg. Keyrt er áfram að afleggjaranum að Bíldsfelli ca 4,8 km og er hann á hægri hönd. Sá afleggjari er ekinn alveg niður að á, þar sem veiðihúsið stendur.

Veiðisvæði: Sog Bíldsfell, Silungur

 

Stangafjöldi: 3 og eru þær seldar saman.

 

Veiðitímabil: Apríl og Maí

 

Veiðitími: 08:00 – 20:00

 

Leyfilegt agn: Fluga, Maðkur , Spónn

 

Góðar flugur: td. Ýmsar gerðir af kúluhausum og er þá notaður tökuvari

 

Veiðihús: Á Bíldsfellssvæðinu er glæsilegt veiðihús með þremur tveggja manna herbergjum. Í húsinu er hiti, rafmagn og sturta. Veiðimönnum ber að þrífa húsið fyrir brottför og taka með sér allt rusl. Veiðimenn meiga koma í veiðihús 1 klst eftir að veiðitíma líkur þeas koma í hús kl 21:00

 

Reglur: Veiðileyfi þetta gildir fyrir 3 stangir.  Veiðitíminn er frá kl 08:00 - 20:00. Koma má í veiðihús kl 21 og á brottfaradegi skal vera búið að rýma húsið kl 20:30. Skylt er að sleppa öllum hoplaxi. Ráðlegt er að sleppa bleikju sem er 60cm eða stærri. Leyfilegt agn er fluga, maðkur og spónn. Skylt er að skrá allan afla, líka slepptum fiskum.

 

Veiðikort: Kort af svæðinu er í veiðihúsinu.

 

Veiðibók: Veiðibók er í húsinu

Leyfi í boði